«Բաքվի բռնապետն այնքան է լկտիացել, որ մեր պետության արտգործնախարարի հասցեին անում է՝ «դու ո՞վ ես, որ․․․»․ իրանագետ

Իրանագետ Վարդան Ոսկանյանը ֆեյսբուքյան իր էջում գրել է․ «Հայաստանի ներկա իշխանության ամոթալի կրավորական կեցվածքի պատճառով Բաքվի բռնապետն այնքան է լկտիացել, որ անկախ կոնկրետ անձից, մեր պետության արտգործնախարարի հասցեին անում է՝ «դու ո՞վ ես, որ․․․» վիրավորական արտահայտությունը, իսկ մեզ բոլորիս ասում, որ չմոռանանք «երկաթե բռունցքը»՝ միևնույն ժամանակ ժեստով ցույց տալով դա։
Ուրեմն, քանի որ ես ամենևին «կիրթ» և «կառուցողական» չեմ, իմ թեկուզ և սահմանափակ կարողությունների շրջանակում ամեն ինչ անելու եմ, որ սրա ցույց տված նրբիկ բռունցքն ապագայում ընդհուպ մինչև արմունկը հայտնվի սրա իսկ մարմնի թիկունքի կողմից գոտկատեղից ներքև գտնվող անցքում»։