«Ո՞նց կբացատրեք Արմեն Սարգսյանի տեսակետի տրանսֆորմացիան». Դանիել Իոաննիսյան

«Իրազեկ քաղաքացիների միավորում» ՀԿ նախագահ Դանիել Իոաննիսյանը գրել է. «Ինագուրացիայի իր ելույթում Արմեն Սարգսյանը մի քանի անգամ գովաբանում (շողոքորթում) է Սերժ Սարգսյանին և նրա բերած սահմանադրական փոփոխությունները։

Բայց հեղափոխությունից ու Սերժ Սարգսյանի գնալուց անմիջապես հետո նախագահն սկսեց բողոքել Սահմանադրությունից (և դա անում է առ այսօր)։

Հարց. Ո՞նց կբացատրեք Արմեն Սարգսյանի տեսակետի այս հետաքրքիր տրանսֆորմացիան։ Ճի՞շտ եմ հասկանում, որ հեղափոխության շնորհիվ ինքն իրեն սկսեց ազատ զգալ և խոսել բաներ, որոնք Սերժ Սարգսյանի ժամանակ չէր ասի։

Հ. Գ. Ինագուրացիայի ելույթում Արմեն Սարգսյանը նաև շատ դրական է խոսում բաց հասարակության գաղափարի մասին։ Տենաս ի՞նչ էր ակնարկում»: