«Որոշ հարցերի պատասխաններ բավարարել են, որոշ պատասխաններ կիսատ են մնացել»․ Վազգեն Մանուկյան

«ԱԳ նախարարին մենք հայտնեցինք մեր մտահոգությունները, լսեցինք որոշ բացատրություններ դրա վերաբերյալ. ինչ վերաբերում է ավելի մանրամասներին, ապա մենք դեռ հանդիպում ունեն ԶՈՒ գլխավոր շտաբի պետի հետ, այդ բոլոր հանդիպումներից հետո կամփոփենք և հայտարարություն կանենք»,-ԱԳ նախարար Արա Այվազյանի հետ հանդիպումից հետո հայտարարեց «Հայրենիքի փրկության շարժման» վարչապետի թեկնածու Վազգեն Մանուկյանը:

Թե երբ են հանդիպելու ԳՇ պետ Օնիկ Գասպարյանի հետ, Մանուկյանը չհստակեցրեց․ «Կիմանաք, երբ որ պետք լինի»:

Հարցին՝ արդյոք այսօրվա հանդիպումն իրեն բավարարե՞ց՝ վերջինը պատասխանեց. «Հարցերին մենք ստացել ենք պատասխաններ՝ որոշ հարցերի պատասխաններ բավարարել են, որոշ պատասխաններ կիսատ են մնացել: Մենք մյուս հանդիպումից հետո ավելի մանրամասն կխոսենք դրա մասին»: