«Նույնիսկ խորհրդային տարիներին «մաքուր հայերեն» խոսող ադրբեջանցիներ տեսել եմ միայն Երևանում բնակվողների մեջ». Վ. Ոսկանյան

Իրանագետ Վարդան Ոսկանյանը ֆեյսբուքյան իր էջում գրել է․ «Եթե նախկինում մեզանում տարածված էր թշնամուն թերագնահատելու միտումը, այժմ նկատում եմ հակառակ երևույթը։

«Մաքուր հայերեն» խոսող բազմաթիվ ադրբեջանցիների մասին առասպելը դրանց շարքից է։ Նույնիսկ խորհրդային տարիներին «մաքուր հայերեն» խոսող ադրբեջանցիներ տեսել եմ միայն Երևանում բնակվողների մեջ, իսկ, օրինակ՝ Մասիսի շրջանից հիմնականում Երևանի շուկաներ եկող ադրբեջանցիները հայերեն խոսում էին ակնհայտ ոչ հայկական առոգանությամբ և սխալներով։

Հասուն տարիքում գրքային ճանապարհով հայերեն սովորելու համար «ադրբեջանական կոկորդն», ըստ էության, անպիտան է, ուստի, եթե նույնիսկ քերականությունը և բառապաշարը լավ յուրացվեն, միևնույն է առոգանությունը մատնելու է խոսողի ադրբեջանցի լինելը»։