«Իրենց խմբակցությունը վաղո՜ւց դուրս է եկել այն տրամաբանությունից, որով ձևավորվել էր իրենց մանդատը». Լիլիթ Բլեյան

Երգչուհի Լիլիթ Բլեյանը ֆեյսբուքյան իր էջում գրել է. «Իշխանական պատգամավորներից մեկը վստահորեն պնդում է, թե իրենց խմբակցությունը լքած պատգամավորներն «այլևս բացի սեփական անձից պարզապես ոչ մեկի չեն ներկայացնում, ոչ մեկի, որովհետև նրանք դուրս են եկել այն տրամաբանությունից, որով ձևավորվել էր նրանց մանդատը»։

Ես կոնկրետ պատգամավորին չեմ ճանաչում, բայց խնդրում եմ իրեն և իրենց փոխանցեք, որ իրենց քաղաքական խմբակցությունը վաղո՜ւց դուրս է եկել այն տրամաբանությունից, որով ձևավորվել էր իրենց մանդատը, իրենք վաղո՜ւց գործում են ընտրողի տված մանդատի շրջանակներից դուրս։ Իրենց որոշումներն ու գործունեությունն այլևս զուրկ են մեծամասնության հենարանից, ու ժամանակն է, որ իրենք իրենց մեջ ուժ գտնեն՝ դա ընդունելու։ Էս թատրոնին պիտի վերջ տրվի»։