«Մարդ, ով սողալով է գնում օդանավակայան, չի կարող Հայաստանը ներկայացնել»․ քաղաքացի

«Հայաստանի երկինքը դավաճանի համար փակ է լինելու, եթե նա Մոսկվայում հակահայ փաստաթուղթ ստորագրեց։ Մարդ, ով սողալով է գնում օդանավակայան, չի կարող ՀՀ ներկայացնել»,- հայտարարեցին Իսակովի պողոտայում հավաքված քաղաքացիները, ովքեր փորձում էին փակել վարչապետի ճանապարհը դեպի «Զվարթնոց» օդանավակայան։

Նշենք, որ այս պահին Իսակովի պողոտան բաց է։

Հիշեցնենք, որ այսօր՝ Մոսկվայում, ՌԴ նախագահի նախաձեռնությամբ կանցկացվեն Ռուսաստանի, Ադրբեջանի և Հայաստանի ղեկավարներ Վլադիմիր Պուտինի, Նիկոլ Փաշինյանի և Իլհամ Ալիևի եռակողմ բանակցությունները։