Կիրակի, 19 հուլիսի, 2026 թ.
|
Ստեփանակերտում`   +28 °C

«2021-ը բոլորիս համար լինելու է «մեծ դեպրեսիայի» ժամանակաշրջան». Վահե Դավթյան

«2021-ը բոլորիս համար լինելու է «մեծ դեպրեսիայի» ժամանակաշրջան». Վահե Դավթյան
536
Երկուշաբթի, 11 հունվարի, 2021 թ., 17:40

«Մեկ Հայաստան» կուսակցության քաղխորհրդի անդամ, էներգետիկ մասնագետ Վահե Դավթյանը ֆեյսբուքյան իր էջում գրել է. «1 մլրդ 150 մլն դոլար վարկ Ռուսաստանից:

400 մլն դոլար՝ Արժույթի միջազգային հիմնադրամից:

Դրանից առաջ՝ վերջին երկու տարվա ընթացքում Հայաստանի արտաքին պետական պարտքը հասել է 8 մլրդ դոլարի:

Կոպիտ հաշվարկներով՝ ստացվում է մոտ 9,5 մլրդ դոլար: Ընդ որում՝ Հայաստանի ՀՆԱ-ն կազմում է մոտ 12,8 մլրդ դոլար:

Ըստ միջազգային ֆինանսական կառույցների ու մի շարք ուղեղային կենտրոնների՝ ինստիտուցիոնալ զարգացման ցածր մակարդակ ունեցող պետությունների համար պետական պարտքի օպտիմալ ծավալը չպետք է գերազանցի ՀՆԱ-ի 37-38%-ը: Հաշվի առնելով Հայաստանում առկա ինստիտուցիոնալ աղետն ու այլևս անկառավարելի քաոսը՝ 2021-ը բոլորիս համար լինելու է «մեծ դեպրեսիայի» ժամանակաշրջան:

Ելքը մեկն է՝ օր առաջ ազատվել դավաճան ռեժիմից ու մարտնչող դիլետանտներից՝ ձևավորելով տեխնոկրատների հակաճգնաժամային կառավարություն»:

Կարդացե՛ք նաև