«Ունե՞ք տվյալներ, որ Ադրբեջանը գերիների դիմաց տարածքներ է պահանջում». լրագրողը՝ Արման Թաթոյանին

«Քանի որ երեկվա հանդիպումից հասկացանք, որ գերիների հարցում լուծում չի հաջողվում ստանալ, իրավական տեսանկյունից, ՄԻԵԴ-ի միջոցով հնարավո՞ր է լուծում ստանալ՝ առանց քաղաքական հստակ հրահանգի»,- ասուլիսի ժամանակ դիմելով ՀՀ Մարդու իրավունքների պաշտպանին՝ հարց հնչեցրեց լրագրողներից մեկը: Վերջինը նաև շարունակեց. «Ունե՞ք տվյալներ, որ Ադրբեջանը կուլիսներում գերիների դիմաց տարածքներ է պահանջում»: Արման Թաթոյանն ասաց, որ հարցի քաղաքական մասին չի կարող պատասխանել. «Անընդհատ զեկույցներ ենք ուղարկում միջազգային կառույցներիին, ՄԻԵԴ-ում ՀՀ ներկայացուցչությունն ակտիվ աշխատում է ու մեր զեկույցները, տեղեկությունները հիմք են ընդունվում իրենց համար: Մենք ամեն օր կապի մեջ ենք: ՀՀ ՄԻՊ-ն իրավասության առումով չունի իրավունք՝ դիմելու Եվրոպական դատարան»: