«Հրճվում են՝ գնացքները կգնան, բայց ծնողներին այդ գնացքնե՞րն են հետաքրքիր». Էդմոն Մարուքյան

ԼՀԿ ղեկավար Էդմոն Մարուքյանը կարծում է, որ եթե հունվարի 11-ին այլ ղեկավար գնար Ալիևի հետ հանդիպման, իրավիճակն այլ կլիներ:

«Նոր մարդը կաշկանդված չէր լինի նոյեմբերի 9-ի փաստաթղթի շարունակական պրոցեսով: Կասեր, որ ընդունում է այն, ինչ որ կա՝ որպես իրողություն, բայց դրա շարունակական պրոցեսները կարող են տեղի ունենալ, եթե մեր նախապայմանները բավարարվեն: Հիմա գործող վարչապետը չի կարողանում դա ասել, որովհետև գործ ունի մի մարդու հետ, երբ իրար ինչ ասես ասել են»,- ասաց Մարուքյանը:

«Իրար ինչ ասես ասած լիդերները չեն կարող գալ ընդհանուր լուծման և ասեն, օրինակ, եկեք ռազմագերիներին տանք… Ճնշման տակ ստորագրվում են փաստաթղթեր ու հրճվում, որ գնացքները կգնան, բայց ծնողներին այդ գնացքնե՞րն են հետաքրքիր»,- նկատեց Մարուքյանը: