«Ադրբեջանը՝ Արցախից հայերին «քիմմաքրմամբ» հանելու դրոշմապիտակ է թողարկել». Տարոն Սիմոնյան

ԱԺ «Լուսավոր Հայաստան» խմբակցության պատգամավոր Տարոն Սիմոնյանը ֆեյսբուքյան իր էջում գրել է. «Անպատժելիությունից Ադրբեջանն այնքան է ոգևորվել, որ արդեն թողարկել է դրոշմապիտակ հայերին Արցախից «քիմմաքրմամբ» հանելու՝ էթնիկ զտումների պատկերմամբ։
Հիշեցնեմ, որ էթնիկ զտումների արգելքը ժամանակակից միջազգային իրավունքի կարևորագույն սկզբունքներից է, որի խախտումը ՄԻՋԱԶԳԱՅԻՆ ՀԱՆՑԱԳՈՐԾՈՒԹՅՈՒՆ է։
Այս անսանձ և հանցավորություն քարոզող քաղաքականության դեմ մենք չենք կարող դնել ապագայում առևտուր անելու մեր հլու-հնազանդ և անորոշ քաղաքականությունը՝ հույս ունենալով, որ համագոյակցությունը կստացվի հանցագործությունն ու հայատյացությունը պետական մակարդակով քարոզողների հետ...»: