«Չտեսանք՝ դավաճաններից մեկին բռնեին, դատեին, իսկ զավակին կորցրած ծնողի վրա արագի մեջ գործը կպցրին»․ Մ․ Իսրայելյան

Լրագրող Մկրտիչ Իսրայելյանը ֆեյսբուքյան իր էջում գրել է. «Ուրեմն անհետ կորած զինծառայողի հայրը մեքենայով հարվածել է ՊՆ դարպասին ու վնաս պատճառել։ Էտ մարդուն ձերբակալել են ու վրեն 5-10 տարվա հոդված կա դրած։ Բան չասի՝ լավ բան չի արել էտ մարդը, բայց ասենք մի պահ մտեք էտ ծնողի դրության մեջ ու ամեն ինչ կարծում եմ պարզ կլինի։ Պատերազմի ավարտից երկու ամիս է անցել, էս երկու ամսվա մեջ մեռան գոռալով, օդի մեջ սրան նրան մեղադրելով, թե մեկը հրաման չի կատարել, էն մյուսը զենքի պահեստը չի բացել, էն մյուսները ընդհանրապես դավաճանել թռել են ու էս երկու ամսվա մեջ չտեսանք, որ դավաճաններից մեկին բռնեին, դատեին, նստացնեին։ Իսկ զավակին կորցրած ծնողի վրա արագի մեջ գործը կպցրին։ Ամոթ է, մեղմ ասած ամոթ է»։