«Ռազմական արդյունաբերության ու ԱԹՍ-ների վերաբերյալ առաջին լուրջ քննարկումը Հանրային խորհրդում». Ստյոպա Սաֆարյան

Հանրային խորհուրդի նախագահ Ստյոպա Սաֆարյանը տեղեկացնում է. «Ինչպես և խոստացել էի, այս շաբաթվա առաջին անակնկալը՝ ռազմական արդյունաբերության ու ԱԹՍ-ների վերաբերյալ առաջին լուրջ քննարկումը Հանրային խորհրդում։ Անպատկերացնելի հյուր ԱՄՆ-ից՝ ԱՄՆ–ի Իլլինոյսի նահանգի Շոմպեյնի համալսարանի պրոֆեսոր, անօդաչու ավիացիայի լրջագույն պրոֆեսիոնալ Նաիրա Հովակիմյանը։ Տիկին Հովակիմյանի հետ պայմանավորվածություն ձեռք բերվեց ապագայում իր հետ աշխատել նաև հեռակա՝ զում կոնֆերանսների տեսքով։ Նույն ձև ներգրավելու ենք Ավստրալիայում ու այլ երկրներում ռազմականա արդյունաբերությամբ զբաղվող մեր այլ եղբայրների ու քույրերի։
Հասկանալի պատճառներով՝ քննարկման ուղիղ հեռարձակում ու ավելի շատ տեղեկատվություն չենք կարող տեղադրել։ Սակայն, այս անդրանիկ հավաքի արդյունքում արդեն իսկ կկազսմվի ՀՀ վարչապետի ու Կառավարության համար խորհրդատվական փաստաթուղթ՝ լուծման ենթակա խնդիրների, առաջնահերթությունների վերաբերյալ, որը կհարապարկվի նաև հանրության համար։
Նիստին մասնակցում էին ՀՀ Հանրային խորհրդի նախագահ Ստյոպա Սաֆարյանը, Ֆինանսատնտեսական և բյուջետային հարցերի հանձնաժողովի նախագահ, ՀՀ Հանրային խորհրդի անդամ Վազգեն Սաֆարյանը, ՀՀ Հանրային խորհրդի անդամ Գաբրիել Ջեմբերջյանը, ՀՀ պաշտպանության նախարարի խորհրդական Արսեն Թառոյանը, Հայաստանի Հանրապետության բարձր տեխնոլոգիական արդյունաբերության նախարարության ռազմարդյունաբերական կոմիտեի նախագահի տեղակալ Արտյոմ Ղևոնդյանը, ՀՀ վարչապետի՝ ավիացիայի գործերով նախկին խորհրդական Հակոբ Ճաղարյանը, ԱՄՆ–ի Իլլինոյսի նահանգի Շոմպեյնի համալսարանի պրոֆեսոր Նաիրա Հովակիմյանը, Երևանի մաթեմատիկական մեքենաների գործարանի գլխավոր տնօրեն Ռաֆայել Սահակյանը, բարձր տեխնոլոգիական ոլորտի փորձագետներ և տնտեսվարողներ»: