Երկուշաբթի, 23 փետրվարի, 2026 թ.
|
Ստեփանակերտում`   +5 °C

«Նախորդ իշխանություններն Ամուլսարի շահագործման անօրինական որոշումներ են կայացրել». Սերգեյ Բագրատյան

«Նախորդ իշխանություններն Ամուլսարի շահագործման անօրինական որոշումներ են կայացրել». Սերգեյ Բագրատյան
398
Երեքշաբթի, 19 հունվարի, 2021 թ., 12:20

Անկախ պատգամավոր, Մետաղական հանքարդյունաբերության հարցերով քննիչ հանձնաժողովի նախագահ Սերգեյ Բագրատյանն այսօր մետաղական հանքարդյունաբերության ոլորտում ներդրումային ծրագրերի շրջանակներում գործադիր իշխանության մարմիններին ներկայացված և նրանց կողմից ընդունված ֆինանսական և այլ հաշվետվությունների օրինականությունը, հիմնավորվածությունն ու արժանահավատությունն ուսումնասիրող քննիչ հանձնաժողովի կատարած աշխատանքների վերաբերյալ զեկույցը ներկայացնելու ժամանակ հայտնեց, որ ուսումնասիրությունների արդյունքում պարզվել է, որ նախորդ իշխանություններն Ամուլսարի շահագործման անօրինական որոշումներ են կայացրել:

«Հանձնաժողովի աշխատանքային քննարկման ժամանակ բնապահպան-իրավաբան Նազելի Վարդանյանը հանձնաժողովի անդամներին է ներկայացրել Ամուլսարի ոսկեբեր քվարցիտների հանքավայրի շահագործման ծրագրի վերաբերյալ 33 էջից բաղկացած եզրակացություն: Նրա հավաստմամբ՝ ուսումնասիրվել է 10 հազար էջ փաստաթուղթ և պարզվել, որ մեր երկրում հանքարդյունաբերությունն իրականացվել և իրականացվում է մի շարք օրենքների, օրենսգրքերի և միջազգային կոնվենցիաների խախտումներով: Ըստ բնապահպան-իրավաբանի՝ նախորդ իշխանությունները Ամուլսարի շահագործման անօրինական որոշումներ են կայացրել»,- ասաց Բագրատյանը:

«Նախորդ իշխանություններն Ամուլսարի շահագործման անօրինական որոշումներ են կայացրել». Սերգեյ Բագրատյան