Ուրբաթ, 22 սեպտեմբերի, 2023 թ.
|
Ստեփանակերտում`   +19 °C

Արցախում աշխատանքի խրախուսման նպատակով սահմանվել է պետական աջակցություն

Արցախում աշխատանքի խրախուսման նպատակով սահմանվել է պետական աջակցություն
372
Երեքշաբթի, 19 հունվարի, 2021 թ., 19:05

ԱՀ աշխատանքի, սոցիալական և բնակարանային հարցերի նախարար Մանե Թանդիլյանը ֆեյսբուքյան իր էջում գրել է. «ԱՐՑԱԽՈՒՄ ԱՇԽԱՏԱՏԵՂԵՐԻ ՊԱՀՊԱՆՄԱՆ ԵՎ ՆՈՐԵՐԻ ՍՏԵՂԾՄԱՆ ԱՋԱԿՑՈՒԹՅԱՆ ԾՐԱԳԻՐ․
ԵԿԱՄՏԱՅԻՆ ՀԱՐԿԸ ԱՄԲՈՂՋՈՒԹՅԱՆ ԿՓՈԽՀԱՏՈՒՑՎԻ
Արցախում աշխատանքի խրախուսման նպատակով սահմանվել է պետական աջակցություն Արցախում գրանցված և գործունեություն ծավալող ոչ պետական ընկերությունների համար՝ վարձու աշխատողների եկամտային հարկի փոխհատուցման մասով։
Մասնավորապես 2021թ հունվարից սկսած 6 ամիս ժամկետով, յուրաքանչյուր ամիս ընկերությունների կողմից վճարված եկամտային հարկի ամբողջ ծավալով կտրամադրվի աջակցություն։ Արդյունքում, ընկերությունները եկամտային հարկի մասով փաստացի ծախս չեն իրականացնի։
Սա կարևոր խթան է բիզնեսի համար, որը հնարավորություն կտա պահպանել գործող աշխատատեղերը, ինչպես նաև կնպաստի նորերի ստեղծմանը։
Ծրագրի շահառու կարող են հանդիսանալ նաև Արցախում նոր ստեղծվող ընկերությունները՝ օգտվելով այս բացառիկ հնարավորությունից։