Երկուշաբթի, 01 մարտի, 2021 թ.
|
Ստեփանակերտում`   0 °C

Թուրքիան 50 միլիոն դոլար կներդնի Ղարաբաղում տեքստիլ գործարաններ կառուցելու համար

Թուրքիան 50 միլիոն դոլար կներդնի Ղարաբաղում տեքստիլ գործարաններ կառուցելու համար
557
Հինգշաբթի, 21 հունվարի, 2021 թ., 20:20

Միայն նախնական փուլում թուրքական ընկերությունները մտադիր են ներդնել 50 միլիոն դոլար՝ Ղարաբաղում տեքստիլ գործարաններ կառուցելու համար: Այս մասին Բաքվում հայտարարել Է TÜMKIAD -ի (Թուրքիայի գործարարների միության վարչություն) ներկայացուցիչ Իլհամի Օզթյուրքը։
Նա նշել է, որ TÜMKIAD-ն աշխատում է շատ ոլորտներում, սակայն առաջին ներդրումները կատարվելու են հենց տեքստիլ արդյունաբերության մեջ։
Օզթյուրքի խոսքով՝ Ադրբեջանում քննարկումներից հետո կընտրվեն շրջանները՝ հետագա աշխատանքի համար։
Բաքվում կայացած հանդիպման ժամանակ Թուրքիայի պատվիրակության և ադրբեջանցի ներկայացուցիչների միջև քննարկվել է Ղարաբաղում վերականգնողական աշխատանքների, այնտեղ ապրող մարդկանց զբաղվածության ապահովման հետ կապված հարցեր: Հանդիպման ավարտին կողմերը հուշագիր են ստորագրել։