Հինգշաբթի, 28 մարտի, 2024 թ.
|
Ստեփանակերտում`   +6 °C

«Ջաբրայիլի ուղղության մասին ուշագրավ բաներ իմացա». Դ. Եղիշան

«Ջաբրայիլի ուղղության մասին ուշագրավ բաներ իմացա». Դ. Եղիշան
858
Կիրակի, 24 հունվարի, 2021 թ., 10:45

Պատերազմի մասնակից Դավիթ Եղիշյանը ֆեյսբուքյան իր էջում գրել է. «Պատերազմի առաջին օրը թշնամին փորձել է ճեղքել մեր պաշտպանությունը բոլոր ուղղություններով, սակայն նրան հաջողվել է ճեղքել միայն երկու տեղից՝ հարավում Ջաբրայիլի զորամասի աջ թևից ու հյուսիսում՝ Թալիշ գյուղի դիմացից, մյուս բոլոր ուղղություններով ետ է շպրտվել՝ տալով մեծ կորուստներ: Սակայն ինչու՞ թշնամուն հաջողվեց ճեղքել այդ երկու ուղղությունները:
Թալիշի ուղղության մասին տեղեկություն չունեմ, բայց հարավի՝ Ջաբրայիլի ուղղության մասին ուշագրավ բաներ իմացա պատերազմի օրերին, որը մտորելու տեղիք է տալիս:
Հոկտեմբերի վերջերին զրուցեցի ժամկետային մի զինծառայողի հետ, ով ծառայում էր Ջաբրայիլի զորամասում, նա վիրավորվել էր պատերազմի սկզբնամասում, վիրահատվել էր Երևանում ու ետ վերադարձել արդեն մեր մոտ, քանի որ Ջաբրայիլը այլևս թուրքերի ձեռքում էր:
Ես նրան խնդրեցի պատմել, թե ո՞նց եղավ սկզբում, որ թշնամին կարողացավ անցնել մեր պաշտպանությունը: Նա ինձ պատմեց, որ զորամասն ամբողջ կազմով չի հանվել դիրքեր, չնայած նրան, որ սեպտեմբերի 26-ին արդեն բոլորը հստակ գիտեին, որ սեպտեմբերի 27-ին թշնամին իր ողջ զորաբանակով լայնածավալ հարձակում է սկսելու: Զինվորն ասաց, որ իրենց գնդի հրամանատարը փախած է: Ստացվում է, որ թշնամի հագեցած հարձակմանը դիմավորել է 2 գումարտակով պահվող առաջնագիծը և մեկ մարտկոց Դ-30 հրետանի, ինչպես եղավ Ապրիլյան պատերազմում:
Ես ժամկետային զինվոր ժամանակ ծառայել եմ հենց Ջաբրայիլի զորամասում, ու գիտեմ, որ պատերազմի ժամանակ մեզ օգնության պետք է գան Արա Լեռի հրետանային գունդը, Ֆիզուլիի տանկային գունդը, Կուբաթլույի գունդը, ինչպես նաև Մեղրիի գունդը: Եթե պատերազմի մասին իմացողները Ջաբրայիլի զորամասը համար մեկով հանեին դիրքեր, ինչպես նաև թեկուզ առանց Մեղրիի զորամասի մյուս զորամասերը մոտեցնեին Արցախի հարավ-արևմտյան սահմանին, ես ավելի քան վստահ ասում եմ, պատերազմը կանգնելու էր հենց առաջին ժամերին Ջաբրայիլի առաջնագծում, քանի որ ադրբեջանաթուրքական զորքը ուղղակի չէր կարող ճեղքել մեր առաջնագիծը: Մեկ բան է պաշտպանվել կահվորված առաջնագծում, մեկ այլ՝ ավելի դժվար բան է պաշտպանվել նահանջելուց հետո սարքված նոր բնագծերում:
⁉️Ի՞նչ է սա, հանցավոր անգործությու՞ն, թե՞ դավաճանություն, դա էական չէ, էականն այն է, որ այսպիսի և այլ բազմաթիվ դեպքերի արդյունքում մենք կորցրեցինք Արցախը և տվեցինք հազարավոր զոհեր ու վիրավորեն:
Բոլորը պետք է պատասխան տան, չնայած, որ ես հույս չունեմ»: