«Մեղրիով անցնող տրանսպորտային ուղիներն անհրաժեշտ են Ռուսաստանին ավելի շատ, քան Ադրբեջանին ու Թուրքիային». Հայրապետ Արիստակեսյան

Արցախյան առաջին ազատամարտի մասնակից Հայրապետ Արիստակեսյանը ֆեյսբուքյան իր էջում գրել է. «Այն, որ Հայաստանում իշխանափոխությունն անհրաժեշտություն է, դա գիտակցում են բոլորը:

Ո՞վ պետք է լինի և ում շուրջ պետք է ձևավորվի նոր կառավարությունը: Սա է ամենամեծ խնդիրը:

Այս հարցն ունի մեկ հստակ պատասխան: Պետք է լինի նա, ով կկարողանա Պուտինին ասել ՈՉ:

Ինչումն է կայանում այս ոչի իմաստը:

Մեղրիով անցնող տրանսպորտային ուղիներն անհրաժեշտ են Ռուսաստանին շատ ավելի շատ, քան ադրբեջանին ու թուրքիային: Ռուսաստանի գազային «Հյուսիսային հոսքը» փաստացի վտանգված է, նա չի գործում: Հարավային հոսքը գտնվում է սանկցիաների տակ: Գնալով սեղմվում է սանկցիաների օղակը Ռուսաստանի շուրջ: Ռուսաստանի միակ ելքը ադրբեջանի միջոցով ու ադրբեջանի անվան տակ գազի վաճառքն է եվրոպական շուկաներում:

Նա, ով կկարողանա կասկածի տակ դնել դեկտեմբերի 9-ի տխրահռչակ հայտարարությունը, հենվեով միջազգային ու Հայաստանյան օրենքների վրա կասկածի տակ դնել այդ համաձայնագրի իրավականությունը: Միայն այդպիսի մոտեցում ցուցաբերող ճգնաժամային կառավարիչը կարող է Հայաստանը հանել այս անդունդից:

Ներկա երևացող քաղաքական ներկապնակում ոչ ոք այդ մասին չի խոսում, որն օդի ու ջրի պես անհրաժեշտ է Հայաստանին»: