«Էն մարդիկ, ովքեր իրենց քվեն տալու էին «Հանրապետություն» կուսակցությանը, ձեռքերն էլ կտրես՝ Քոչարյանին չեն տա». Արամ Սարգսյան

Նախօրեին հարցազրույցի ժամանակ ՀՀ երկրորդ նախագահ Ռ. Քոչարյանը հայտարարել էր, որ մասնակցելու են առաջիկա ընտրություններին. «Մասնակցելու ենք և կրելու»:

Այսօր՝ լրագրողների հետ զրույցում արձագանքելով Քոչարյանի այդ հայտարարությանը, «Հանրապետություն» կուսակցության ղեկավար Արամ Սարգսյանն ասել է. «Նախ կարծում եմ՝ գիտի, որ այս ընտրությունները խորհրդարանական են ու անհատական չէ, որ ինքը մասնակցում է (ժպտում է): Մենք մասնակցելու ենք մեր կուսակցությունով, Ռ. Քոչարյանն ումով կմասնակցի՝ թող մասնակցի, ես որևէ խնդիր չեմ տեսնում: Էն մարդիկ, ովքեր իրենց քվեն տալու էին «Հանրապետություն» կուսակցությանը, ձեռքերն էլ կտրես՝ Քոչարյանին չեն տա: Էն մարդիկ, ովքեր իրենց քվեն տալու էին Քոչարյանին, ձեռքերն էլ կտրես՝ «Հանրապետություն» կուսակցությանը չեն տա: Էնպես որ, էդ թեմայով թող 17-ով մտածեն, խնդիրներն իրենց դաշտում եմ, մեր դաշտում չեն»: