«Այն, ինչ չկարողացավ անել դրսի թշնամին, հիմա փորձում է անել ներսի թշնամին». Հայկ Մարտիրոսյան

Քաղաքագետ Հայկ Մարտիրոսյանը ֆեյսբուքյան իր էջում գրել է․ «Վահան Բադասյանին, ամենայն հավանականությամբ, հայկական կողմից դավաճանության արդյունքում փորձեց չեզոքացնել թշնամին և, այնուամենայնիվ, չկարողացավ սպանել նրան։

Ծանրագույն վիրավորումը Բադասյանը հաղթահարեց և հաղթեց մահվանը։

Եվ այն, ինչ չկարողացավ անել դրսի թշնամին, հիմա փորձում է անել ներսի թշնամին։ Հանրային տիրույթում, փողոցներում և հրապարակներում բացեիբաց հնչող տասնյակ հազարավոր նմանատիպ կոչերի շարքում ազգային դավաճանը հենց Բադասյանի հայտարարությունն է առանձնացնում և հենց նրան պատվիրում մեկուսացնել։ Որովհետև վախենում է հերոսներից։ Վախենում է նրանցից, որ դավաճաններին չեն ներում, վախենում է նրանցից, որ հեղինակություն ունեն և հերոսի իսկական կերպար։

Դրսի թշնամուն և մահվանը մեր ժողովրդի այս հերոսը հաղթել է Առաջին արցախյանում, երկրորդում հաղթել է մահվանը։

Բադասյանը ներսի թշնամուն էլ կհաղթի։ Կհաղթի, որովհետև Երրորդ արցախյանում նա պետք է թե՛ ներսի և թե՛ դրսի թշնամուն մի վերջին անգամ հաղթի»։