Երկուշաբթի, 20 ապրիլի, 2026 թ.
|
Ստեփանակերտում`   +8 °C

«Քանի անգամ տարբեր ժամկետներ են նշում, ու ոչ մի հարց չի լուծվում». պատերազմի մասնակից

«Քանի անգամ տարբեր ժամկետներ են նշում, ու ոչ մի հարց չի լուծվում». պատերազմի մասնակից
304
Ուրբաթ, 29 հունվարի, 2021 թ., 15:20

«Մի շաբաթ առաջ մեզ խոստացան լուծել մեր խնդիրը, սակայն առ այսօր ոչինչ չի փոխվել»,- բողոքում էին ՊՆ-ի մոտ բողոքի ակցիա իրականացնող պատերազմի մասնակից կամավորականները, ովքեր մինչ օրս փոխհատուցում չեն ստացել:

«Այդ օրը ցուցակագրեցին, մեր տվյալնները հեռախոսահամարներով, անուններով և այլն. ասացին՝ կճշտեն ինչումն է խնդիրը և կզանգահարեն: Ոչ ոք չի զանգել: Մեր անմիջական հրամանատարին՝ Գրիգորյան Գրիգորին երկու օր առաջ կանչել են Արցախ, գնացել է թղթաբանության ճշգրտման հարցով և վերադարձել է: Հիմա էլ ասել են մինչև փետրվարի 10-ը կփոխհատուցեն»,- նշում էին կամավորականները:

Նրանք ասում էին, որ այլևս չեն հավատում ոչ մի պաշտոնյայի խոսքի: «Քանի անգամ տարբեր ժամկետներ են նշում, ու ոչ մի հարց չի լուծվում: Անընդհատ ասել են էս երկու օրը կլինի ու չեն փոխհատուցել»: