«Եթե ընտրություններ լինեն, «Ալյանսը» կմասնակցի սեփական ցուցակով և վարչապետի թեկնածուով». Տիգրան Ուրիխանյան

Այսօր՝ հունվարի 30-ին, «Ալյանս» կուսակցության համաժողովի ժամանակ կուսակցության ղեկավար, ԱԺ պատգամավոր Տիգրան Ուրիխայանը հայտարարեց, որ կուսակցությունը մոտ ապագայում հրավիրելու է հանրահավաք:
«Եթե հասարակությունը, ժողովուրդը որոշեց, որ տեղի ունենան ընտրություններ, «Ալյանսը» կմասնակցի ընտրություններին: Մենք հո չե՞նք սպասելու, որ իշխանությունը որոշի՝ ընտրություն անի, թե չանի։ Մենք պետք է ինքներս այդ գործընթացը գեներացնենք»,- ասաց Ուրիխանյանը։

«Եվ քանի որ դա միակ համապետական ընտրությունն է, որի միջոցով հնարավոր է ձևավորել քաղաքական մեծամասնություն կամ մեծամասնության մաս և առաջադրել վարչապետի թեկնածու, ապա «Ալյանսը» գնալու է իր սեփական ցուցակով և վարչապետի թեկնածուով»,- հայտարարեց նա։