Երկուշաբթի, 20 ապրիլի, 2026 թ.
|
Ստեփանակերտում`   +8 °C

«Ռազմավարական դաշնակցի ներսում ցանկացած ապակայունացում Հայաստանի համար հղի է կործանարար հետևանքներով». Արմեն Աշոտյան

«Ռազմավարական դաշնակցի ներսում ցանկացած ապակայունացում Հայաստանի համար հղի է կործանարար հետևանքներով». Արմեն Աշոտյան
328
Կիրակի, 31 հունվարի, 2021 թ., 16:45

ՀՀԿ փոխնախագահ Արմեն Աշոտյանը ֆեյսբուքյան իր էջում գրել է. «Կարճ՝ Ռուսաստանի ներքաղաքական իրավիճակի մասին։

Ռազմավարական դաշնակցի ներսում ցանկացած ապակայունացում Հայաստանի համար հղի է կործանարար հետևանքներով։ Հիշեք 1917-ի հեղափոխությունն ու դրան հետևած ռուսական զորքի դուրս բերումը տարածաշրջանից։ Հատկապես այսօրվա վիճակում, երբ Արցախից մնացած հատվածի գոյությունը և Հայաստանի ներկա հարաբերական անվտանգությունը բացառապես ռուսական գործոնի արդյունք են, Ռուսաստանի ամրությունն ու կանխատեսելիությունն օրհասական են դառնում մեզ համար։

Մի մոռացեք նաև, որ նման հսկա պետություններում լարվածությունը բերում է նաև աշխարհաքաղաքական փոթորիկների, որոնցում մենք Հարավային Կովկասում բացարձակ շահագրգիռ չենք։

Թե ինչ է լինում պետությունների հետ փողոցային իշխանազավթման դեպքում, մեզ, հայերիս, այլևս պետք չէ բացատրել։ Իսկ Նավալնիի հայատյաց հայտարարությունների մասին էլ չհիշեցնեմ։

Ամուր ու ազդեցիկ Ռուսաստանը մեր կենսական անհրաժեշտությունն է»։