Ուղիղ միացում՝ «Զվարթնոց» օդանավակայանից

Ռուսաստանի Դաշնություն մեկնող ՀՀ քաղաքացիների համար «Զվարթնոց» օդանավակայանում նոր ծրագրի հետ կապված տեխնիկական խնդիրներ են առաջացել:

Քաղաքացիները կորոնավիրուսի թեստ են հանձնել այնպիսի կազմակերպությունում, որին թույլտվություն չի տրվել «Ճամփորդիր առանց COVID-19-ի» ծրագրի շրջանակներում իրականացնել նման գործառույթներ։ Կազմակերպությունից էլ հայտնում են, որ իրենց չի զգուշացվել, որ չեն կարող նման գործառույթներ իրականացնել։

«Խնդիրն էն ա, որ հրաման ա հելել, որ գնում, թեստ ես տալիս կորոնավիրուսի, եթե բացասական ա, կոդ ես քաշում հեռախոսիդ մեջ ու դրանով թռնում ես Մոսկվա։ Հիմա մենք եկել, հասել ենք ստեղ․ ժամը 12։00-ին մեր թռիչքն ա, անձնագիրը պահում ես, նկարում ա հեռախոսը, իսկ կոդը չի նկարում։ Ասում են՝ մեզ կառավարությունից հլը որ չեն զգուշացրել դրա մասին, ընդամենը գործում ա երկու ընկերություն։ Հիմա ստեղ շատ ժողովուրդ կա, պատասխան չեն տալիս»,- ասում են քաղաքացիները։

Հավաքվածները նշում են, որ «սա կեղծ կազմակերպություն է, փող աշխատելու նոր մեթոդ»։