Անդրանիկ Քոչարյանը՝ Պատրոն Դավոյի մասին

Ազգային ժողովի Պաշտպանության և անվտանգության հարցերի մշտական հանձնաժողովի նախագահ, «Իմ քայլը» խմբակցության պատգամավոր Անդրանիկ Քոչարյանն այսօր՝ լրագրողների հետ զրույցում անդրադարձավ Պատրոն Դավոյին վերաբերող ԱԱԾ-ի վերջին բացահայտմանը։

«ՊՆ-ի նոր ղեկավարության առկայությունն ա, որ հնարավորություն տվեց այդ խնդիրների արագ լուծմանը ԱԱԾ-ի կողմից»,- ասաց նա։

Հարցին, թե որպես հանձնաժողովի նախագահ, նա ե՞րբ է իմացել այդ դեպքի մասին, Քոչարյանը պատասխանեց․ «Ես գիտեի, որ քրեական գործեր կան, դու չգիտեի՞ր։ Պատրոն Դավոյի վերաբերյալ տարիներ շարունակ քրեական գործեր եթե չեն եղել, հարց է առաջանում՝ ինչո՞ւ չեն եղել։ Հիմա պետք ա ուրախանանք, որ այդ քրգործերով գոնե պատասխաններ ենք սպասում»։