«Նիկո՛լ, ուղիղ եթերում հրավիրում եմ քեզ բանավեճի»․ Նաիրա Զոհրաբյան

ԱԺ ԲՀԿ-ական պատգամավոր Նաիրա Զոհրաբյանն այսօր մամուլի ասուլիսի ընթացքում ՀՀ վարչապետ Նիկոլ Փաշինյանին հրավիրեց բանավեճի։ «Շանս ունեին 4-րդ օրը, երբ ԳՇ պետը զգուշացրեց, որ ռեսուրսները սպառվում են, 14-րդ օրը, երբ Լավրովն առաջարկեց, 19-րդ օրը, երբ Պուտինն առաջարկեց՝ ասելով Շուշին կմնա հայկական վերահսկողության տակ, և այսքանից հետո Նիկոլի դեմագոգիան, որ ասում է՝ արդյո՞ք Շուշին կմնար հայկական, ես հիմա նրան հրավիրում եմ ուղիղ եթերով բանավեճի։ Ես ասում եմ, Նիկո՛լ, այո՛, եթե դուք ամսի 19-ին ընդունեիք ՌԴ նախագահի առաջարկն ու պատերազմը կանգներ, էդ դեպքում Շուշին մնար հայկական վերահսկողության տակ, ես գրում և ստորագրում եմ․ մեկ ադրբեջանցի անգամ Շուշի չէր վերադառնա»,- ասաց Զոհրաբյանը։