«Տոնոյանին ասեցինք՝ ինֆորմացիա ունենք, որ ՍՈՒ-երի գնումը սխալ է, խնդիրներ կան, նա ասում է՝ ամեն ինչ նորմալ է»․ Մարուքյան

«Պատերազմի՝ կեսից կանգնելու առաջարկ եղե՞լ է խորհրդարանական ուժերի կողմից»,- «Ազատության» ֆեյսբուքյան ասուլիսի ժամանակ՝ պատասխանելով օգտատիրոջ հարցին, ԼՀԿ խմբակցության ղեկավար Էդմոն Մարուքյանն ասաց․ «Մինչև պատերազմը բոլորի հետ տետատետ հանդիպում եղել է՝ վարչապետի, ԱԳՆ-ի, նաև՝ ֆրակցիաների միջև․ մեզ միշտ ասվել է, որ ամեն ինչ լավ է ընթանում․․․։ Երբ որ Տոնոյանին հրավիրեցինք, հարց տվեցինք, ասեցինք՝ ինֆորմացիա ունենք, որ ՍՈՒ -երի գնումը սխալ է, որովհետև չեն օգտագործվում, խնդիրներ կան և այլն։ Մեր հարցին՝ ՍՈՒ-երը կաշխատե՞ն, թե ոչ, նա չի ասում, որ չկան այդ հնարավորությունները։ Օրինակ, օգտագործողը՝ մասնագետը, ռակետները և այլն, չկար, բայց մեզ ասում էին, որ ամեն ինչ նորմալ է, և այդ ֆոնի վրա սկսվում է պատերազմը»․- ներկայացրեց Մարուքյանը։