Ռուբինյանը՝ ԵԽԽՎ-ում հայ ռազմագերիների հարցի մերժվելու մասին

«Իմ քայլը» խմբակցության պատգամավոր, ԵԽԽՎ-ում ԱԺ պատվիրակության անդամ Ռուբեն Ռուբինյանն այսօրվա ասուլիսում անդրադառնալով նախորդ շաբաթ տեղի ունեցած ԵԽԽՎ ձմեռային նստաշրջանին՝ նշեց, որ նստաշրջանի ընթացքում հայկական պատվիրակության առաջնահերթությունը Արցախյան երկրորդ պատերազմից բխող խնդիրներն ու ռազմագերիների հարցն է եղել:

«Հայկական պատվիրակությունն առաջարկ էր արել հայ ռազմագերիների հարցը դարձնել ընթացիկ քննարկման թեմա, որը բյուրոյում մերժվեց: Ի սկզբանե մեր պատվիրակության համար պարզ էր, որ այլ՝ մասնավորապես Նավալնիի թեման եվրոպացի պատվիրակների մոտ մեծ առաջնահերթություն ուներ և ակնհայտ էր, որ մեր կողմից առաջարկված թեման ընթացիկ քննարկման հարցերի մեջ ներառվելու շատ քիչ հավանականություն ուներ:

Ռուբինյանի խոսքով՝ ԵԽԽՎ-ում ԱԺ պատվիրակությունն այդ առաջարկն արել էր՝ որպես խնդիրը բարձրաձայնելու միջոց և արդյունքում այդ հարցը քննարկվել է և՛ բյուրոյում, և՛ քաղաքական խմբերում: