«Դավաճան Նիկոլի օրոք մոտ 82 հազար ՀՀ քաղաքացի ընդունել է ՌԴ քաղաքացիություն»․ Գագիկ Համբարյան

Քաղաքագետ Գագիկ Համբարյանը ֆեյսբուքյան իր էջում գրել է․ «Դավաճան Նիկոլի օրոք Հայաստանի մոտ 82 հազար քաղաքացի ընդունել է Ռուսաստանի քաղաքացիություն։
Դավաճան Նիկոլի իշխանության գալուց ի վեր Հայասատնի քաղաքացիությունից հրաժարվողների թիվն աննախադեպ աճել է։
Բավական աճել են ՌԴ քաղաքացիություն ձեռք բերողների թիվը 2020-ին։ Ըստ ՌԴ ՆԳՆ-ի տվյալների՝ միայն 2020-ին Ռուսաստանի քաղաքացիություն է ձեռք բերել Հայաստանի 30,5 հազար քաղաքացի, որը կազմում է ՌԴ քաղաքացիություն ձեռք բերածների 4,7 տոկոսը։ Սա ահռելի թիվ է մեր նման փոքր՝ պաշտոնապես 2,9 միլիոն բնակչություն ունեցող երկրի համար...
2018-ից ի վեր ՌԴ քաղաքացիություն ստացողների թիվը կազմում է մոտ 82 հազար։
Հաշվի առնելով այն հանգամանքը, որ պարտված պատերազմի հետևանքները դեռ նոր են զգացնել տալու իրենց, չի բացառվում, որ 2021թ-ին ՌԴ քաղաքացիություն ստացողների թիվն էլ ավելի աճի։
Ի դեպ, 2020թ-ին պաշտոնապես 10 միլիոնից ավել բնակչություն ունեցող Ադրբեջանի ընդամենը 21853 քաղաքացի է ստացել ՌԴ քաղաքացիություն, իսկ 3,7 միլիոն բնակչություն ունեցող Վրաստանի՝ 3722 քաղաքացի է ձեռք բերել ՌԴ քաղաքացիություն։
Բավական մեծ են այլ երկրների քաղաքացիություն ընդունող ՀՀ քաղաքացիների թիվը ևս։
Սա է կապիտուլյանտ Նիկոլի կողմից ղեկավարվող «հզոր» և «հպարտ» Հայաստանը։
Հ.Գ. Դավաճան Նիկոլն ու իր թիմն ինչ եկել են իշխանության, Հայաստանի հայաթափման տարբեր ծրագրեր են կյանքի կոչվում՝ արտագաղթը խրախուսելուց մինչև պատերազմ...»։