«Արա՛, ազատամարտիկներին բուժելու փողերով ընտրություն եք ուզում նշանակել ու նոր դատարաններ ստեղծե՞լ»․ Գ․ Պետրոսյան

ՀՀ ԱԺ ԲՀԿ-ական պատգամավոր Գևորգ Պետրոսյանն այսօր ԱԺ-ի մոտ բողոքի ակցիայի ժամանակ՝ լրագրողների հետ զրույցում անդրադարձավ Կառավարության կողմից առաջարկված «ՀՀ դատական օրենսգիրք» սահմանադրական օրենքում փոփոխություններ և լրացումներ կատարելու մասին օրենքի և հարակից օրենքների նախագծերի փաթեթին։

«Չվնգստացող դատավորներին փոխել վնգստացողներով. սա է ամբողջ իրականությունը: Հիմա քանի որ մի քանի դատավորներ հայտնել են, որ չեն վնգստում և իր ասածը չեն անում, Փաշինյանը հիմա ուզում ա էդ դատավորներին փոխի, բերի վնգստացող դատավորների: Փոփոխությամբ պետք ա իբր նոր տեսակի վարույթներ քննող դատարան լինի, բայց դա արհեստական օրակարգ ա. ի՞նչ ա նշանակում խափանման միջոց փոխող դատարան, որ ամեն մի քննչական գործողության համար դատարան ստեղվի ... բա ասում են՝ մենք բյուջե չունենք: Բա էն ժամանակ որ ասում էինք՝ դատավորների թիվն ավելացրեք, ասում էին՝ փող չունենք: Արա՛, էսօր ազատամարտիկներին բուժելու փողերով ընտրություն եք ուզում նշանակել ու նոր դատարաններ ստեղծե՞լ: Պնդում եմ՝ հիմա այդ դատարաններն անհրաժեշտություն չեն: Այդ դատարանները Փաշինյանին պետք են՝ սեփական կամքն ի կատար ածելու համար»,- ասաց Պետրոսյանը: