«Հադրութցի Վահան Բադասյանը որտեղի՞ց մշտական բնակության վայր ունենա». Նաիրա Զոհրաբյան

Այսօր՝ ԱԺ արտահերթ նիստի ժամանակ, ԲՀԿ պատգամավոր Նաիրա Զոհրաբյանը ելույթ ունենալիս ասաց. «Հարգելի՛ հայրենակիցներ, երևի դուք միամտորեն ակնկալում էիք, որ այսօր՝ խայտառակ դավաճանական կապիտուլյացիայից հետո, մենք պետք է քննարկեինք ռազմագերիների, տեղահանված տասնյակ հազարավոր արցախցիների խնդիրը, որոնցից մեկին կալանավորման սանկցիա տվեցին՝ հիմնավորմամբ, որ մշտական բնակության վայր չունի… ։ Բա որտեղի՞ց ունենա հադրութցի Վահան Բադասյանը, ում դուք զրկել եք մշտական բնակության վայրից…»:

Նաիրա Զոհրաբյանի խոսքով՝ իշխանության համար կա ավելի կարևոր օրակարգ․ «Այն է՝ ինչպես ավելացնել կալանքի սանկցիա տվող դատավորների թիվը, որովհետև բազմաթիվ պարկեշտ դատավորներ հրաժարվում են Նիկոլ Փաշինյանի վնգստացող դատավորները լինել և կատարել կեղտոտ քաղաքական պատվեր»,- ասաց պատգամավորը: