«Արցախի տարածքում այժմ գործում է առանց ռոումինգի կապ». Մեսրոպ Առաքելյան

Այսօր ԱԺ արտահերթ նիստի ժամանակ «Սոցիալական աջակցության մասին» օրենքում փոփոխություններ կատարելու մասին» օրենքում փոփոխություն կատարելու մասին նախագիծը ներկայացնելուց առաջ աշխատանքի և սոցիալական հարցերի նախարար Մեսրոպ Առաքելյանը հայտարարեց, որ Արցախ են վերադարձել բոլոր այն քաղաքացիները, ովքեր ունեն մշտական բնակության վայրեր, և կորցրած տարածքների բնակչությունից հինգ հազարից ավելին այս պահին շարունակում է բնակվել Արցախում:

«Հետպատերազմական Արցախում՝ այս պահին որևէ սոցիալական և հումանիտար խնդիր չկա: Դրա ամենամեծ փաստումն այն է, որ նոյեմբեր 10-ին Արցախում մնացել էր ընդամենը մի քանի հարյուր արցախցի, իսկ այսօր Արցախի բնակչության թիվը հարյուր հազարից ավելի է»,- նշեց նախարարը:

«Պատերազմից հետո ամբողջովին ավերված էին բոլոր ենթակառուցվածքները: Այս պահին Արցախում ամբողջովին վերականգնված է գազամատակարարումը, էլեկտրամատակարարումը, կապը գրեթե ամբողջովին վերկանգնված է, ընդ որում՝ կապի օպերատորներից մեկը նաև Արցախի տարածքում ապահովում է հայկական տիրույթի ծառայություններ, այսինքն՝ առանց ռոումինգի կապ»,- ասաց նա:

Մանրամասները՝ տեսանյութում։