«Ի տարբերություն իրենց, թուրք ղեկավարները չեն երազում, ծրագրում են ու իրականացնում»․ Սարո Սարոյան

Քաղաքական վերլուծաբան Սարո Սարոյանը ֆեյսբուքյան իր էջում գրել է. «Հայաստանի ապագայի մասին տարբեր մարդկանց տեսլականներին ծանոթանալիս վերջին տարիներին շատ եմ հանդիպել հետևյալ մտքին՝ «պետք է ունենալ երազանք ու գնալ երազանքի հետևից»։ Նախկինում այդ միտքը միշտ ինձ անհանգստացրել է, բայց վերջերս արդեն նյարդայնացնում է։ Ու հարկ եմ համարում արտահայտվել։
Շատերը գիտեն, թե որքան պրագմատիկ մարդ եմ ես՝ տանել չեմ կարողանում պաթոսի տեսքով էմոցիոնալ պոռթկումները ու, հատկապես, քաղաքականության մեջ «պոետիկ» դրսևորումները։ Շատ եմ հանդիպել մարդկանց, ովքեր, օրինակ բիզնեսում, երազելու երևույթը ստարտափ հիմնելու նախերգանքն են համարել։ Ես չգիտեմ տնտեսական գործունեության մեջ իսկապես իրերի դրությունն ինչպիսին է, բայց քաղաքականության մեջ ամեն տեսակ երազանք պետական կյանքի դժվարությունների ու դաժանությունների հետ որևէ առնչություն չունի։ Քաղաքականության մեջ ով խոսում է երազանքներից, իմացեք կամ պատկերացում չունի քաղաքակնությունից, կամ շուլեր տիպ է՝ խաղում է հանրության նուրբ զգացմունքների հետ։ Քաղաքականությունը հաշվարկի, տրամաբանության ու վերլուծության դաշտն է, որում տեղ չկա ապագային միտված քնարական զեղումներին։
Վերջին շրջանում ինձ նյարդայնացնում են մարդկանց հուզառատ այդպիսի արտահայտությունները հենց այն պատճառով, որ արտահայտվողներից շատերը ղեկավար պաշտոններ են զբաղեցնում ու աղետալի պատերազմում պարտությունից հետո դեռ հանդգնում են խաղալ մարդկանց նուրբ լարերի հետ ու իրենց պոեզիան փաթաթել հանրության վզին։
Այդ մարդկանց երևի մի լեզվով կարելի է սթափեցնել՝ հիշեցնելով, որ ի տարբերություն իրենց, թուրք ղեկավարները չեն երազում, ծրագրում են ու իրականացնում։ Ծրագրում են թե ինչպես, ինչ ռեսուրսներով ու որ քայլերով նվաճեն Հայաստանը, ու իրենց առաջ աղուհացով ընդառաջ ելած հայ պաշտոնյաների կանանց ու աղջիկներին ինչպես բռնաբարեն։ Սա է սպասվում ղեկավար պաշտոնյաների կանանց, եթե, իհարկե, դա ցանկալի վիճակ չէ այդ մարդկանց համար։
Դաժան ապագա նկարագրեցի, բայց սթափությունը ոչ ոքի դեռ չի վնասել։ Ուստի հորդորս է, որ ղեկավար պաշտոնյաները նման սցենարն ավելացնեն իրենց գեղեցիկ երազանքների կուլմինացիան ներկայացնող պատկերներում»։