«Պատերազմից հետո Հայաստանից մեծ արտահոսք չի եղել». Զարեհ Սինանյան

Այսօր՝ լրագրողների հետ ճեպազրույցում, Սփյուռքի գործերի գլխավոր հանձնակատար Զարեհ Սինանյանը, ի պատասխան հարցին, թե ներգաղթի ակնկալիք ունի՞, ասաց. «Ներգաղթի ակնկալիք միշտ ունենք, բայց այս պահին անուրանալի է, որ ժողովրդի մեջ հոգեբանական որոշ անկում կա՝ կապված պատերազմի բացասական արդյունքների հետ, հետևաբար չեմ զարմանա, եթե գոնե կարճաժամկետ արտահոսք լինի Հայաստանից»: Ըստ Սինանյանի՝ արտագաղթելու ցանկությունը կապված է նաև մարդկանց շոկային վիճակից, և երբ որ շոկն անցնի, ցանկությունը կնվազի:

Սփյուռքի գործերի գլխավոր հանձնակատարը նկատեց նաև, որ պատերազմից հետո մեծ արտահոսք չի եղել, որովհետև դրա հնարավորությունը չի եղել: