«Նույնիսկ դատավոր Դանիբեկյանն արձանագրել է, որ գործ ունենք լրիվ նոր հանգամանքների հետ». փաստաբան

Փաստաբան Արամ Վարդևանյանը ֆեյսբուքյան իր էջում գրել է․ «Datalex.am տեղեկատվական համակարգում առկա է Դատավոր Դանիբեկյանի գործընկերոջս Էրիկ Ալեքսանյանի առավել քան հիմնավոր, բավարարման ակնհայտ ենթակա բացարկի միջնորդությունը՝ մերժելու վերաբերյալ որոշումը։ Որոշումը մեկնաբանելու առիթ չեմ տեսնում, քանի որ իրավաբանները՝ իրավական փաստաթղթեր են մեկնաբանում, իսկ միջնորդությունները փաստացի չկարդացող, դրանց վերաբերյալ իրավունքի և օրենքի հետ առնչություն չունեցող որոշումները կարող են այլ անձինք մեկնաբանել։ Պարզապես այդ ակտից մեկ հետաքրքիր հանգամանք նշեմ՝ ոչ մի խոսք կրկնվող միջնորդության կամ նույն հիմքով ներկայացված միջնորդության մասին։ Այլ կերպ ասած՝ նույնիսկ տիկին Դանիբեկյանն արձանագրել է, որ գործ ունենք լրիվ նոր հանգամանքների հետ որոնք ոչ մի կերպ կրկնվող չեն եղել։ Այս հատվածը հատկապես պետք է կարդան Դատախազները և քարոզիչները, ովքեր պնդում են իբր «ձգձգման» իրավիճակ կա»։