«Սնունդը չի բավականացնում ԱՄՆ 36 մլն բնակչի». Բայդեն

ԱՄՆ նախագահ Ջո Բայդենը հայտնել է, որ 36 մլն ամերիկացիների չի բավականացնում սնունդը՝ կորոնավիրուսի համավարակով պայմանավորված դժվարությունների պատճառով: «24 մլն մեծահասակների ու 12 մլն երեխաների համար սնունդը բառացիորեն չի բավականացնում»,- ասել է քաղաքական գործիչը՝ Սպիտակ տանը ելույթի ժամանակ: Նա նաև հավելել է, որ 10 միլիոն մարդ կորցրել է աշխատանքը. ԱՄՆ տնտեսությունը դեռ գտնվում է բարդ իրավիճակում: Իրավիճակը կարգավորելու համար նա տնտեսության խթանման միջոցառումների փաթեթ է առաջարկել 1․9 տրիլիոն դոլարի չափով: Նշվում է, որ 160 միլիարդը կուղղվի պատվաստանյութի ծրագրին: Վաշինգթոնը մտադիր է նաև 1.4 հազար դոլար վճարել կարիքավոր քաղաքացիներին: