Ուրբաթ, 05 մարտի, 2021 թ.
|
Ստեփանակերտում`   -1 °C

Գազի ներկրման ծավալները Հայաստան ավելացել են. «Ժողովուրդ»

Գազի ներկրման ծավալները Հայաստան ավելացել են. «Ժողովուրդ»
233
Չորեքշաբթի, 10 փետրվարի, 2021 թ., 10:00

«Ժողովուրդ» օրաթերթը գրում է. «Հայաստան գազի ներկրման ծավալները մեկ տարվա ընթացքում ավելացել են: «Ժողովուրդ» օրաթերթը պաշտոնական աղբյուրներից տեղեկացավ, որ «մայրուղային խողովակաշարային» բեռնափոխադրումների ծավալները աճել են 1.8 տոկոսով: Ավելին՝ բեռնափոխադրումների այս տեսակի դեպքում պաշտոնական վիճակագրությունն արտահանման և ներկրման տարանջատում չի անում, քանի որ ընդհանուր խոսքը միայն ներկրման մասին է, և այն էլ՝ կոնկրետ մեկ տեսակի ապրանքի գազ: Այսինքն՝ կարող ենք արձանագրել, որ գազի ներկրումը Հայաստան անցյալ տարի, 2019 թվականի համեմատ, թեկուզ չնչին, բայց ավելացել է:

Մյուս կողմից՝ պաշտոնական տվյալներով՝ անցյալ տարի Հայաստանում բեռնափոխադրումների ծավալների չնչին աճ է արձանագրվել: Ընդհանուր բեռնափոխադրումները, 2019-ի համեմատ, աճել են 0.7 տոկոսով և կազմել 14 մլն 822 հազար տոննա:

Բեռների արտահանումը նվազել է 14.4 տոկոսով, ներմուծումը՝ 15.1 տոկոսով, փոխարենը 10.6 տոկոսով աճել է երկաթուղով ներհանրապետական բեռնափոխադրումների ծավալը»:

Ավելի մանրամասն՝ թերթի այսօրվա համարում։