«Մոտ ապագայում, երևի թե, այլևս այստեղ չգտնվեմ». ավագանու անդամ

«Ունեմ առողջական որոշակի խնդիրներ, որով պայմանավորված, տևական ժամանակ ստիպված էի բացակայել: Շարունակական պրոցեսների արդյունքում էլի ստիպված եմ լինել պասիվ,- այսօր՝ փետրվարի 12-ին, Երևանի ավագանու արտահերթ նիստում նշեց «Իմ քայլը» խմբակցության ղեկավար Սուրեն Էյրամջյանը՝ հավելելով,- մոտ ապագայում, թերևս, այլևս այստեղ չգտնվեմ»: Նա ներողություն խնդրեց ընտրողներից, շնորհակալություն հայտնեց քաղաքապետին, գործընկերներին. «Չեմ կարող հստակ ասել, թե դա երբ տեղի կունենա, բայց մոտակա նիստերին բացակա կլինեմ: Իսկ երբ վերջնական որոշումը կլինի շարքերը լքելու՝ կտեղեկանաք»: Հայկ Մարությանն առողջություն մաղթեց Էյրամջյանին. «Դուք միշտ փորձել եք առավելագույնը անել մեր քաղաքի համար»,- ասաց քաղաքապետը: