«Սյունիքում յուրօրինակ իրավիճակ է ձևավորվել». Արման Մելիքյան

Արցախի նախկին արտգործնախարար Արման Մելիքյանը ֆեյսբուքյան էջում գրել է. «Սյունիքում իրապես յուրօրինակ իրավիճակ է ձևավորվել: Սյունիքի հատվածում՝ Ադրբեջանի ու Նախիջևանի հետ ունեցած փաստացի շփման գիծը հսկում են նաև ռուս սահմանապահները և ես չեմ բացառում, որ որոշ հանգամանքներից ելնելով, վերջիններիս հրամանատարության համար կարող է անցանկալի լինել լրագրողների կողմից իրենց գործունեությունն անարգել լուսաբանելու հնարավորությունը: Ակամայից հիշեցի, որ խորհրդային տարիներին որոշ սահմանամերձ տարածքներ այցելելու համար մարդը պետք է հատուկ անցագիր ստանար Պետական անվտանգության կոմիտեից էլ, սահմանապահ զորքերի հրամանատարությունից էլ: Չէի ցանկանա, որ այդ իրավիճակին վերադառնանք նորից ու այժմ էլ Սյունիքը հռչակվի հատուկ սահմանամերձ տարածք, ուր գնալու համար ոչ միայն լրագրողները, այլև այդ գոտում չբնակվող ցանկացած ՀՀ քաղաքացիներն ստիպված լինեն հատուկ հարցաթերթիկ լրացնել ու «աուսվայս» ստանալ պատկան մարմիններից»: