Ն. Փաշինյանի նկատմամբ քրգործի հարուցումը մերժելու դեմ բողոքի քննությունը հետաձգվեց

Երևան քաղաքի ընդհանուր իրավասության դատարանի Կենտրոն նստավայրում դատավոր Մնացական Մարտիրոսյանն այսօր հետաձգեց Նիկոլ Փաշինյանի դեմ քրեական գործի հարուցումը մերժելու դեմ փաստաբանների բողոքի քննությունը:

Հաջորդ դատական նիստը նշանակվեց փետրվարի 24-ին՝ ժամը 10:00-ին:

Հիշեցնենք, որ փաստաբանները ՀՔԾ էին դիմել՝ ՀՀ վարչապետ Նիկոլ Փաշինյանի դեմ քրեական գործ հարուցելու համար։ 2020 թվականի դեկտեմբերի 22-ին ավելի քան հարյուր փաստաբաններ, հաղորդում են ներկայացրել ՀՀ գլխավոր դատախազին՝ խնդրելով հարուցել քրեական գործ ՀՀ քրեական օրենսգրքի 299-րդ հոդվածով (պետական դավաճանությունը) նախատեսված հանցավոր արարքի կատարման փաստի կապակցությամբ։