«Ամսի 20-ի հանրահավաքով ինչ-որ մի բան սկսվում ա, բայց չի վերջանում». Վազգեն Մանուկյան

«Ամսի 20-ի հանրահավաքով ինչ-որ մի բան սկսվում ա, բայց ամսի 20-ի հանրահավաքով չի վերջանում»,- այսօր՝ լրագրողների հետ զրույցում ասաց «Հայրենիքի փրկության շարժման» վարչապետի թեկնածու Վազգեն Մանուկյանը:

Նա հայտնեց, որ արդեն մի քանի միջոցառման նախագծեր կան, բայց դեռևս այդ մասին չեն կարող բարձրաձայնել. «Մեր նպատակն է արթնացնել ամբողջ ժողովրդին, որովհետև 20, 30, 40 հազար մարդ միշտ էլ կլինի, բայց մենք կուզենանք, որ ամբողջ ժողովուրդը, նույնիսկ տանը մնալով, հայտարարի, որ ինքը շարժման նպատակների հետ է»,- ասաց նա:

Մանուկյանը հայտարարեց, որ նպատակներ ունեն չսահմանափակվել միայն Երևանով, ցանկանում են գնալ մարզեր, իր խոսքով, մարդկանց իրազեկելու համար. «Պետք ա շրջաններ էլ գնալ, շրջանի ժողովրդի հետ էլ խոսել, որովհետև շրջանների վիճակը միայն վատանում է»,- ասաց նա:

Մանրամասները՝ տեսանյութում: