Պողոս Պողոսյանի սպանության վերաբացված գործով դատական նիստը հետաձգվեց

Երևանի ընդհանուր իրավասության դատարանում Պողոս Պողոսյանի սպանության վերաբացված գործի քննությունն էր. մեղադրյալի աթոռին Աղամալ Հարությունյանն էր: Նիստը, սակայն, հետաձգվել է. «Խնդրեցի դատարանին նիստը հետաձգել, որպեսզի հնարավորություն ունենամ աշխատակազմին ներկայացված հարցերի պատասխանը ստանալու: Եթե դրանք ինձ հիմք կտան դատավորին ինքնաբացարկի միջնորդություն ներկայացնելու՝ կներկայացնեմ, եթե ոչ, չեմ ներկայացնի»,- ասաց պաշտպանը:

Հիշեցնենք՝ ՀՀ վերաքննիչ քրեական դատարանը որոշում էր կայացրել բավարարել դատախազության բողոքը և 2001թ. սեպտեմբերի 24-ի լույս 25-ի գիշերը «Առագաստ» սրճարանում կատարված Պողոս Պողոսյանի սպանության վերաբերյալ քրեական գործն ուղարկել էր ընդհանուր իրավասության առաջին ատյանի դատարան՝ նոր քննություն կատարելու համար։

Դատական հաջորդ նիստը տեղի կունենա մարտի 4-ին: