Վերաքննիչը քննում է Պատրոն Դավոյի պաշտպանների բողոքը

Վերաքննիչ դատարանում այժմ քննվում է Դավիթ Գալստյանի՝ Պատրոն Դավիթի պաշտպանների բողոքը:

«Այս պրոցեսները ոչ թե իրավական են, այլ որոշակի անձանց նեղ շրջանակներին սպասարկելու պրոցեսներ են ու հեռու են ընդհանրապես իրավական պրոցեսներ անվանվելուց»,- դատարանի բակում լրագրողների հետ զրույցի ժամանակ հայտարարեց Պատրոն Դավոյի պաշտպան Արմեն Հարությունյանը:

Հիշեցնենք՝ ԱԱԾ-ն հայտնել էր, որ առանձնապես խոշոր չափերով գումարներ հափշտակելու կասկածանքով քննչական դեպարտամենտ է բերման ենթարկվել պաշտպանության նախկին նախարար Դավիթ Տոնոյանի նախկին խորհրդական, զենքի առքուվաճառքով զբաղվող գործարար Դավիթ Գալստյանը (մականունը՝ Պատրոն Դավո)։ ԱԱԾ քննչական դեպարտամենտում հարուցված և քննվող քրեական գործով Պատրոն Դավիթին մեղադրանք է առաջադրվել առանձնապես խոշոր չափերով յուրացման համար։ Պաշտպանները բողոք են ներկայացրել՝ իրենց պաշտպանյալին կալանքից ազատելու համար: