«Տեղեկություն ստացա, որ հենց հիմա այս շենքում շոու է նկարահանվում»․ Ռուբեն Մելիքյան

«Տեղեկություն ստացա, որ հենց հիմա այս շենքում շոու է նկարահանվում»,- այս մասին քիչ առաջ լրագրողների հետ զրույցում ասաց ԱԱԾ շենքի մոտ գտնվող փաստաբան Ռուբեն Մելիքյանը։

«Սա խայտառակություն է․․․ այս պահին Երևանում խայտառակ քաղաքական բռնաճնշումներ են իրականացվում և որևէ արձագանք չկա դրա վերաբերյալ»,- նշեց փաստաբանը։

«Ես ուզում եմ հատուկ ընդգծել, որ մարդու արժանապատվությունը նվաստացնելը, ինչ-որ շոու նկարելու համար, ծանրագույն հանցագործություն է․․․ Ես ուղիղ կապ եմ տեսնում Կառավարության աշխատակազմի ղեկավարի տեղակալ նշանակված անձնավորության պաշտոն ստանալու և այս գործողությունների միջև, որովհետև պատերազմի ժամանակ նույն այդ անձնավորությունն էր, որ Արա Սաղթելյանին առանց հիմնավորման մեղադրում էր ինչ-որ ֆեյքային գործունեություն իրականացնելու մեջ»,- ասաց Մելիքյանը։