«Ճիշտ չէ ասել, որ Ծառուկյանի շնորհիվ եմ մանդատ ստացել». Գևորգ Պետրոսյան

ԱԺ ԲՀԿ խմբակցությունը լքած պատգամավոր Գեւորգ Պետրոսյանն այսօր՝ լրագրողների հետ զրույցում չցանկացավ պատասխանել հարցին, թե արդյոք ԲՀԿ-ին իրական ընդդիմություն չէր համարում, դրա համար դուրս եկավ. «Ես ներքին խոհանոցը հրապարակելու սովորություն չունեմ: Ես ընդամենը ասում եմ՝ ես ավելի ըմբոստ, ավելի ակտիվ մարդ եմ, և քանի որ իմ ըմբոստությունը որակվել է որպես կուսակցության դեմ ավելորդ թշնամանքի մթնոլորտի հարուցման առիթ, ես կուսակցությանն ազատել եմ այդ առիթից: Կուսակցական լինելն ինձ համար որոշակի առումով զսպաշապիկ է եղել, որպեսզի կարողանամ ավելին անել քան արել եմ: Պարոն Ծառուկյանի հետ իմ հարաբերությունները նորմալ են, ես շարունակում եմ հարգել իրեն, իր ընտանիքը»,- ասել է Պետրոսյանը:

Հարցին, թե ավելի ազնիվ չէ՞ր լինի մանդատը վայր դնել, քանի որ հենց Ծառուկյանի շնորհիվ է այն ստացել. Պետրոսյանն ասել է. «Ըտենց արտահայտություն անելը, թե պարոն Ծառուկյանի շնորհիվ է, դա ճիշտ չի, որովհետև մենք բոլորս եղել ենք նույն քաղաքական ուժի կազմում»:

Մանրամասները՝ տեսանյութում: