«Եթե շարժման բոլոր ղեկավարները ձերբակալվեն, ժողովրդի քանակը կկրկնապատկվի». Իշխան Սաղաթելյան

«Էս իշխանությունը պետք է որոշում ընդունի. ո՞ր մեկին ձերբակալի, հիմա թող ինձ ձերբակալի, իմ գործընկերներին, բա էս ժողովրդի՞ն: Էս ամբողջ ազգին պիտի ձերբակալեն, որ մնան, պահեն իրենց իշխանությունը: Այլ տարբերակ չունեն»,- այսօր՝ լրագրողների հետ զրույցի ժամանակ հայտարարեց ՀՅԴ ԳՄ անդամ, «Հայրենիքի փրկության շարժման» համակարգողներից Իշխան Սաղաթելյանը:

Նա վստահ է, որ եթե շարժման բոլոր առաջնորդներին ձերբակալեն, միևնույն է, մարդիկ դուրս են գալու փողոց, անհնազանդության ակցիաներ են իրականացնելու և պահանջելու են իշխանության հրաժարականը:

«Վստահ եմ, որ եթե շարժման բոլոր ղեկավարները ձերբակալվեն, ժողովրդի քանակը կկրկնապատկվի, որովհետև երկրում բռնապետության ճանապարհով փորձել պահել իրենց իշխանությունը, հնարավոր չէ»,- հայտարարեց նա: