«Թող մեկը փորձի զենք ուղղի ժողովրդի դեմ»․ Լյովա Երանոսյան

Անդրանիկ Քոչարյանն ասել է՝ եթե խոսում են շենք-շինություններ գրավելու մասին, ապա պետք է հասկանան, որ կարող են կրակել․ մեկնաբանելով ԱԺ «Իմ քայլը» խմբակցության պատգամավոր Անդրանիկ Քոչարյանի հայտարարությունը, նախկին ոստիկանապետ Լյովա Երանոսյանը պատասխանեց․ «Ո՞վ կրակի։ Անդրանիկ Քոչարյանը մեյմուն ա։ Թող որևիցե մեկը փորձի զենք ուղղի ժողովրդի կողմը։ Թող մեզ զենքով չվախեցնեն, մենք տեսել ենք էդ զենքը: Բանակը ժողովրդինն է, թող ոչ մեկը չփորձի ժողովրդի հետ խաղի մտնի»:

Դիտարկամանը՝ թե ինքը ևս ժամանակին բավական կոշտ միջոցների է դիմել քաղաքացիների նկատմամբ, Երանոսյանն ասաց. «Ներքին զորքերը երբևիցե կոշտ միջոցներ չեն ձեռնարկել: Այո, Խորենացիում չեմ թողել, որ արյունահեղություն լինի: Ո՞վ տարավ բախման, դուք լավ գիտեք: Ես եմ եղել ղեկավարը Սարի թաղում: Ես ձեզ հորդորում էի, ասում էի՝ գնացեք էն կողմ: Շնորհիվ մեզ չեղավ արյունահեղություն: Թող այսօր ոչ ոք չփորձի տանի դրան: 2018-ի ապրիլի 16-ին էլ մարդա մեկը տարավ արյունահեղության, բայց ես թույլ չեմ տվել»: