«Իշխանության դուստր ձեռնարկության կարգավիճակ ստացած օլիգարխները մարդ մատակարարելու հարցում սահմանեցին ստախանովյան ռեկորդներ»․ Ն․ Զոհրաբյան

«Երեկ Նիկոլ Փաշինյանի կազմակերպած հանրահավաքը վարչական ռեսուրսի կիրառման գլուխգործոց էր՝ իշխանության բոլոր թևերի, ՏԻՄ բոլոր կառույցների, մարզպետարանների, գյուղապետարանների, դպրոցների, հիվանդանոցների, թաղապետարանների, կոշիկի արտադրամասերի, վարսավիրանոցների համատեղ գալա- համերգ»,- այսօր՝ ԱԺ հայտարարությունների ժամին ասաց ԲՀԿ-ական պատգամավոր Նաիրա Զոհրաբյանը։ «Հանվեցին անգամ բոլոր նիսյաների տետրերն ու մարդկանց այլևս նիսյայով հաց չտալու սպառնալիքի տակ բերեցին հանրահավաք, իսկ իշխանության դուստր ձեռնարկության կարգավիճակ ստացած օլիգարխները մարդ մատակարարելու հարցում սահմանեցին ստախանովյան ռեկորդներ»,- նշեց Զոհրաբյանը։