«Ընտրությո՞ւն է ուզում․ վաղը մինչև 12։00-ն թող գա Ազգային ժողով՝ հրաժարական տա»․ Ի․ Սաղաթելյան

«Օնիկ Գասպարյանը պետք է մնա իր տեղում․ սա իր պաշտոնի հարցը չի, դա բանակ ունենալու կամ բանակը կործանելու հարցն է»,- լրագրողների հետ զրույցում ներկայացնելով «Հայրենիքի փրկության շարժման» անդամների պահանջը, ասաց ՀՅԴ-ական գործիչ Իշխան Սաղաթելյանը։

Անդրադառնալով արտահերթ խորհրդարանական ընտրությունների՝ Նիկոլ Փաշինյանի հայտարարություններին, ասաց․ «Ընտրությո՞ւն է ուզում։ Հենց հիմա հայտարարում եմ՝ եթե վաղը մինչև 12։00 գա Ազգային ժողով՝ հրաժարական տա ու նշանակի ընտրություն, էդ օրակարգով ճանապարհը կբացենք։ Նա չի՛ գալու։ Ինքը հերթական սուտն ու կեղծիքն է անում, սոսնձվել է այդ աթոռից՝ մեր երկիրը տանում է կործանման»․-ասաց Սաղաթելյանը։