Երկուշաբթի, 23 փետրվարի, 2026 թ.
|
Ստեփանակերտում`   +6 °C

«Ի՞նչ ունի առաջարկելու Կրեմլը Հայաստանին, բացի ազատազրկելուց ու ստրկացնելուց»․ Սաքունց

«Ի՞նչ ունի առաջարկելու Կրեմլը Հայաստանին, բացի ազատազրկելուց ու ստրկացնելուց»․ Սաքունց
281
Հինգշաբթի, 11 մարտի, 2021 թ., 23:25

Իրավապաշտպան Արթուր Սաքունցը ֆեյսբուքյան իր էջում գրել է․ «Ի՞նչ ունի առաջարկելու Կրեմլը Հայաստանին, բացի ազատազրկելուց ու ստրկացնելուց, որի կատարյալ մոդելը կադիրովյան ռեժիմի հաստատումն է Չեչնիայում՝ Ռուսաստանի կազմում։
Բայց դե անվտանգությունը, թեկուզ անարժանապատիվ, նվաստացուցիչ, ապահովված է, չէ՞։
Այո, ստրուկի անվտանգությունը բանտում, գաղութում ապահովված է, քանի դեռ ենթարկվում է։
Իսկ եթե մեկ-մեկ էլ մի քանի հոգու հրապարակային չսպանի, կամ չմտրակի, որպես դաս մնացածներին՝ մշտական վախի մեջ պահելու համար, ոչինչ, չէ՞, հո բոլորին չի սպանելու կամ մտրակելու։
Ովքեր են ձգտում Հայաստանում կադիրովյան ռեժիմ հաստատելու և ովքեր են ձգտում Հայաստանը դուրս բերել այս ճահճից դեպի ինքնիշխան, քաղաքակիրթ, ժողովրդավարական պետության վիճակի։
42 տոկոսը դեռ չգիտի»։