«Միակ բանը, որ մեզնից կախված է». Կարեն Անտաշյան

Գրող Կարեն Անտաշյանը ֆեյսբուքյան իր էջում գրել է. «Հայաստանում արդեն ահագին ժամանակ է, թերևս 2018-ի գարնանից սկսած, մեծ փոփոխությունների սպասում կա, էն որ հայ-հայ է կարևոր բաներ պետք է լինեն, բայց դրանք, ինչպես գիտեք, ուշացան, ծամծմվեցին, ձգձվեցին, ընդհատվեցին փոքր ոլորաններով ու լրահոսային ինտրիգներով, անցողիկ կռուտիներով ու ապառիկ խոստումներով, հետո ավելի մեծ տապալումների շեղումներով, հետո ահռելի աղետով, բայց էդ փոփոխության կենսական կարքիը օդում առկախված սպասման ձևով մնաց ու հիմա սրվել-սրվել, հասել է իր անտանելի կիզակետին, էն որ միայն հույսի չնչին առկայծումից է կախված կյանքը ու որից հետո կամ ամեն ինչ անդառնալի քանդվում է, կամ իրոք, ինչ-որ բան է տեղի ունենում, որ ապրելու նոր տարածք ու իմաստ է ստեղծում բոլորիս համար։ Հիմա միակ բանը, որ մեզնից, այսինքն շարքային սպասողներիցս, կախված է՝ հույսի ու հուսահատության միջև ընտրությունն է, առանց երաշխիքների, ուղղակի, ռանդոմ ընտրությունը։